星期五晚播出《神耆小子》第5集，讲述钱大海( 郑则士 饰)为保护孙女金多多( 罗毓仪 饰)「重现人间」，并接受警方调查。虽然警方一再强调绑架事件同大海家人包括细钱生( 曹永廉 饰)仲有情人知己洪玫瑰无关，不过大海仍抱极度怀疑，加上大海返屋企后为小事争吵不停，大海决意继续调查，更命令老臣子佳叔( 陈荣峻 饰)同一鸣( 冼靖峰 饰)协助。
而理念不同由朝到晚斗嘴嘅一鸣同多多，㖊晚一集突然过电，而分手多年嘅有方( 傅嘉莉 饰)同子勇( 萧正楠 饰)亦正式重遇。呢集焦点，落在已故知名绿叶艺人陈狄克嘅精凄演出。饰演大海寓所尽责看更老陈嘅陈狄克，向曾遭绑架嘅大海拍心口话：「我以前系散打王， 十个八个都埋唔到我身！」
说毕仲即时耍起功夫，而搞笑嘅系，虽然陈狄克全程Show Off相当陶醉，不过郑则士就未有放在眼内，只自顾自同佳叔讲电话，画面趣怪。虽然对老陈耍功夫毫无兴趣，不过大海临走都不忘大赞老陈耍功夫有 「拳风」，令老陈继续陶醉咁对住空气大显身手，喜感十足。
其实陈狄克16岁已加入电视圈从事武指工作，更曾为经典剧集《上海滩》担任武指， 周润发扮演嘅许文强被乱枪射杀嘅经典一幕就出自佢嘅精心设计。如今能在剧集中见到陈狄克献身手，更要搞笑为主，可谓别具意义。
而自第3集后占戏颇重嘅罗毓仪(Yuki)，呢集除咗同Archie「伪深情」互动同唱K戏份外，其中一幕剧组仲为观众呈现Yuki「大学生毕业look」。由「御用中学生」升呢成大学生嘅Yuki，照片中睇嚟比平时成熟，更有观众指佢似足8、90年代「宅男女神」叶蕴仪嘅影子。
观众亦大赞Yuki喺《神耆小子》中wet妹look一改以往形象之余，亦赞佢唱《难得有情人》时﹐亦有少许原唱关淑怡嘅味道。至于今次同Archie合作，Yuki就坦言开心又有新鲜感：「因为大家都钟意音乐，所以除咗拍剧，我哋都会交流一啲拍剧同埋唱歌嘅心得，互相学习。」
佢又笑指同Archie戏内戏外都经常斗气，仲大爆Archie原来好大食：「拍剧时我哋都好钟意斗嚟斗去，喺度计住大家边个NG得多啲。最搞笑嘅系我发现咗佢原来好大食，有一次去餐厅放饭，佢嗌咗成台𩠌之后，仲食咗一只海南鸡，同台嘅人都畀佢吓亲。」
