《逆天奇案2》星期五播出大结局，全剧演员都齐集电视城齐齐收睇紧张又温馨嘅剧情，除咗女主角 林夏薇 睇到喊之外， 方力申 黄智贤 蒋祖曼 刘佩玥 冯盈盈 同 张颕康 佢哋都一样非常肉紧呀。
薇薇对同煎Pan嘅一段深情对话，仲系呢集焦点，呢场虽然分开拍，不过佢哋就一早约定要现为对方培养情绪同投入剧情喇。大家都话睇到眼湿湿非常感动，而阿Moon仲对其中一场见到香港美景嘅画面特别有感触。
至于剧中重点CP阿Ben同Joman呢一对，一场逆求婚戏亦都成为大家嘅焦点，而 王镇泉 客串嘅一场英文新闻报道戏，亦获大家大赞呀。
突破扮演大奸角嘅小方，最后亦未有好结果，佢仲话拍摄时大家一直非常认真，而大家重聚一齐欣赏仲令感情更好咁话。总监制 刘家豪 同太太 梅小青 亦都有粉墨登场客串，令佢哋两位留下最珍贵嘅纪念。
虽然家豪哥早前指今次系荣休之作，不过大家都希望《逆天》继续拍摄新一辑，而佢就指要先休息凑孙去旅行享一阵清福先，其他嘢就等充完电之后先再决定㖞。
