薛家燕（家燕姐）呢日现身一个活动，与老友记预祝母亲节，家燕姐分享保健资讯，提醒大家打疫苗，更即场献唱《皆大欢喜》传递欢乐气氛。
家燕姐参与呢个活动觉得好有亲切感，因为有啲老友记系睇住佢长大、有啲老友记就同佢一齐长大，家燕姐指喺香港好少喺酒楼唱歌，为咗令老友记开心，家燕姐特别为佢哋唱咗首歌，同时分享健康知识，因为长者健康就一家人都快乐。
家燕姐与四位视帝罗嘉良、马德钟、黎耀祥及陈展鹏出埠前往新加坡登台，佢嘅家人同宝贝孙Julian亦随行，顺道一齐玩吓兼庆祝母亲节，家燕姐又笑指宝贝孙Julian将上台合唱，家燕姐一向忙过不停，坦言永不言休，自觉有使命娱乐大家！
