梁思浩主持TVB Plus互动灵异资讯综艺直播节目《直播灵接触》相当受欢迎，佢接受TVB娱乐新闻台节目《星光路上》访问，与主播潘盈慧畅谈演艺路，思浩坦言自己出身唔好，六年级𠮶年去人哋屋企食饭，见到人哋台上摆好碗筷咁食饭，而思浩喺屋企就系食罐头。

思浩觉得人生好奇妙，读书期间已参与拍摄广告，后来于1986年拍《城市故事》饰演洗米华，角色相当入屋，令佢继续喺呢行发展，思浩好开心一班朋友令佢有一个家嘅感觉，又指当年做《欢乐今宵》时，前辈肥姐沈殿霞特别锡佢，过时过节就邀请思浩上屋企食饭，感受到家嘅温暖。

思浩指自己做布施修行法三年，特别照顾一啲穷人，帮助唔识嘅朋友处理后事，佢亦有分享感人嘅经历，亦有一啲小朋友自杀，有啲家长揾思浩帮手，对方唔可以「白头人送黑头人」，思浩在三年内帮助别人处理27、28个后事。