「妙音龙子」冼靖峰(Archie)过去一年音乐事业更上一层楼,喺《亚洲超星团》以第三名出道,成为男团LOONG 9成员。Archie喺26岁生日就同粉丝一齐开生日会度过,佢嘅父母、细佬都到场。不过Archie喺开香槟环节时,竟然吓到走埋一边,仲畀细佬笑佢细胆。
Archie细佬呢日上有另一个身分,就系生日会主持喇!Archie好满意细佬表现,大赞佢转数快又称职。Archie大爆细佬原定同女朋友去旅行,不过为咗呢个生日会而改期迟几日出发,所以Archie好感谢细佬支持。
虽然Archie喺工作中度过生日,不过佢觉得非常充实,亦一啲都唔觉得攰,喺生日会上一展歌喉大骚「妙音龙子」歌唱实力,听到一众粉丝如痴如醉。而Archie向大家透露喺生日会完结嘅第二日就会入录音室录新作品,新歌班底更系佢首次合作,绝对令大家感到惊喜。