啱啱考完DSE嘅 詹天文 ，呢日久违现身活动同粉丝见面，Windy话等呢日等咗好耐，所以心情好兴奋，不过可能太耐冇出席公开活动，所以面对镜头笑容有小小僵硬，不过只要一揸住咪唱歌，Windy即刻好有大将之风，仲又唱又跳活力十足，令现场fans大饱耳福。
本身系学霸嘅Windy话，考完DSE之后一身松晒，虽然仲未放榜，但自己就唔会谂太多成绩方面嘅嘢。考完DSE之后，Windy已经同屋企人去过惠州旅行，佢话依家仲plan紧，希望可以同同学去一个毕业旅行，而自己最想去嘅地方就系日本。
除咗plan紧去旅行，Windy仲预告嚟紧嘅工作安排已经密密麻麻，当中嘅重头戏一定系声梦三小花演唱会，Windy话唔止fans期待，佢地三小花都一样好兴奋，所以一定会全力以赴做好个骚。
