定居喺加拿大嘅 钟嘉欣 神采飞扬现身香港嘅活动，早前佢就同老公去咗马尔代夫度假，就惹嚟Linda有第四胎嘅传闻，身型弗爆嘅佢话呢件事好好笑，大家想像力太丰富，连啲人去老公诊所都会恭喜佢，搞到老公一头雾水。Linda解释早前消失咗喺社交平台系忙于凑小朋友，仲话有三个小朋友已经满足，冇计划再生。
嚟紧8月Linda就会喺广州举行演唱会，而老公同小朋友都好雀跃，囡囡仲帮佢谂宣传海报。佢又自爆平日喺屋企一有灵感作歌，就即刻捉住老公唱畀佢听。
旧爱 伍允龙 有份演出新戏票房大卖，兼且人气急升，Linda今次返港都有专登买飞入场支持，佢话好耐冇入戏院睇戏，亦好耐都冇睇过一套咁有香港特色情怀嘅电影，加上对打场面精彩，令佢都话想成为当中一份子。
佢亦大方讲到好戥Philip高兴，证明努力冇白费，期望佢未来十年发挥才能。问到有冇叮嘱Philip再面对观众切磋功夫时小心？Linda就话对方好叻仔识保护自己。
