星期日晚播出嘅《福禄寿训练学院》最后十强学员会正式诞生，喺之前两集嘅一对一生死对决后，仲有几位学员未出场表演，相信佢哋特别紧张，特别系TEAM FUK呢组喺阮兆祥带领下，只净赵颂宜（Maggie）尚未入决赛。
Maggie将化身蔡琴登场，虽然有啲压力，但系Maggie超水准表现，仲识落台搞气氛，向台下评判派心心，表现出蔡琴姐姐嘅从容。
对手叶泓声（Gordon）就化身孙悟空版张卫健，除咗造型够晒气场，佢仲耍埋金刚棒，不停耍棍花，令现身观众睇到哗哗声，为咗扮出张卫健嘅神髓，Gordon狂loop《西游记》片段，学习凌厉眼神好凌厉，而思捷仲教路指张卫健系一个好有自信嘅人，最重要做到个台系自己嘅呢种感觉。
吴兆麟（ Alan）再次出动佢嘅爆肌身形化身李小龙，扮传奇人物事前佢有啲紧张，为咗展现佢嘅武功底子，Alan即场耍双截棍，亦重现李小龙喺《精武门》飞踢牌匾一幕。
