《明爱暖万心》慈善晚会7月6日圆满举行，一众歌手倾力演唱传递爱，好似 谭辉智 古淖文 周吉佩 李佳 曾比特 钟柔美 任暟晴 陈洁灵 郑俊弘 涂毓麟 黄洛妍 泳儿 许靖韵 王灏儿 同埋 方皓玟 等先后演出。
辉智同阿古再度合作，两人演绎《爱是永恒》同埋《领悟》两首歌，默契十足嘅佢哋，彼此惺惺相惜，讲到早前关嘉敏神还原谭辉智，阿古都大赞真系好似，而辉智都惊叹一个女仔竟然可以扮到夸张嘅似，真系绝﹗佢仲话一对仔女都认错爸爸呀。
而李佳同周吉佩呢晚一齐演绎《陪著你走》，嚟紧吉吉将会赴马来西亚宣传《中年好声音3》，吉吉话好期待可以同大马嘅粉丝一聚。而曾比特呢晚就同两位美少女钟柔美同埋任暟晴合唱《一个都不能少》，Mike话演出前，曾经好担心会忘记歌词，好彩最后都顺利完成，而演出当日，任暟晴亦啱啱收到IB放榜成绩，佢话都好满意自己嘅成绩，仲话而家终于可以放下心头大石啦。
而陈洁灵就率领郑俊弘、涂毓麟、黄洛妍一齐演唱《千个太阳》，有机会同Miss Chan Chan同台合唱，Janess同埋Oscar都觉得好荣幸，Janess仲话好希望再有合作机会。之前曾经一齐拍过广告嘅JW同小明，呢晚终于有机会喺音乐上合作，佢哋都话缘份嚟到啦，呢晚见小明身形非常瘦削，令人担心佢会唔会过轻，JW就帮小明澄清，话佢其实食好多嘢，而小明亦都话佢嚟紧会努力增磅，叫大家唔驶担心呀。
