独家丨Chantel Yumi分享追星史 Windy笑言畀舞步难倒

姚焯菲Chantel 钟柔美Yumi 詹天文Windy 合体推出嘅首支单曲MV终于面世，三小花喺MV入面连环跳唱热度十足，青春魅力爆灯。

拍摄MV当日佢哋都话相当兴奋，Chantel话佢哋都等咗拍呢首歌嘅MV好耐，聚埋一齐时先发现原来佢哋已经好耐冇片个一齐拍MV喇。Windy就话终于有一首属于佢哋嘅合唱歌，佢话自己期待咗好耐可以同两位姊妹，又或者其中人合唱，今次终于都有呢个机会，令佢觉得好开心。

提到MV入面有唔少舞蹈动作，Windy同Chantel都话畀啲舞步难倒咗一阵，不过好快佢哋就已经练熟咗喇。

MV中有一幕系讲佢哋3个喺机场追韩星，原来现实中Chantel同Yumi都系韩国女团嘅忠粉，Chantel仲同大家分享曾经喺梦境中见过偶像，而Yumi就话自己好少会追男艺人，但反而会追女艺人，Yumi话自己细个时唔算好迷偶像，但入行后见识更多，知道偶像们越做越好，就觉得可以喺对方身上学到好多嘢。

今次新歌内容同三小花心境相近，Windy就指歌曲畀人一种甜美嘅感觉，而Chantel同Yumi都话首歌令人有种期盼嘅感觉呀。