罗启豪与丁文俊首同台演出 陈俞霏被指撞样兰茜恨上《奖门人》比拼食西瓜

罗启豪、丁文俊同陈俞霏呢日一齐喺船上举行音乐会，三人未试过呢个组合出骚，罗启豪对首次搭档好期待，原来罗启豪未试过同丁文俊同台演出，反而佢哋笑指成日有约埋食宵夜，陈俞霏开心称好幸福有得左拥右抱。

陈俞霏出道被指撞样兰茜，佢一直好想有机会同对方合作，试吓一齐喺节目《奖门人》食西瓜；讲到《中年好声音3》赛事进行得如火如荼，丁文俊同罗启豪都有上网收睇， 大赞参赛者们好高水准，佢哋都想有时间就返去支持吓啲《中声3》嘅参赛者。