林心如为爱女声演机械人 动画描述母女情忍唔住爆喊

林心如呢日出席有份声演嘅动画片记招，佢今次声演一个机械人，笑指全因想得到女儿小海豚赞赏，好想阿女喺大银幕听到阿妈嘅声音。

呢套动画有唔少描述母女情嘅内容，心如喺配音过程中，自己都忍唔住喊，仲回想第一日送爱女返学嘅情景，心如自爆偷偷抹眼泪。

心如两年前监制同主演嘅剧集《华灯初上》入围金钟奖11个奖项，今年佢监制嘅剧集《有生之年》入围今届金钟奖10个奖项，心如好开心见到台前幕后获得肯定，希望所有入围者都能够带嚟好消息。