宋慧乔相隔7年访台美貌依旧 为活动忍口中文叫「饿死了」

参演《黑暗荣耀》冷酷角色再次大受欢迎嘅 宋慧乔 日前应邀到台湾出席活动，相隔7年再次访台嘅佢，以一身白色短裙现身，大骚美腿。呢日为护肤品牌宣传嘅佢仲一早做足准备，唔止以最靓状态出现，仲特别忍口出席活动前饭都唔食住。

因为曾拍摄 吴宇森导演嘅《太平轮》，所以呢日佢都以中文同大家打招呼，仲爆笑话忍住肚饿所以「饿死了」，非常搞笑，仲话收工后一定要好好品尝唔同台湾美食呀。

虽然宋慧乔入行多年，而主持曾宝仪亦系佢嘅Fans，有机会超近距离接触女神嘅佢，仲大赞对方冻龄又皮肤好，氹到佢不知几开心，又即场分享自己嘅保养心得。因参与《黑暗荣耀》杰出表现而获得青龙奖荣誉，可惜于剧中饰演佢母亲嘅 朴志雅 ，30号突然传出因脑出血而离世消息，终年52岁。