中年好声音3｜何基佑老婆低调入围百强 钟凯莹身世复杂重拾歌手梦

净系海选都足足花4日时间嘅《中年好声音3》，今晚正式同大家公开香港区嘅百人诞生过程，其中除咗下昼已经同大家经官方新闻稿介绍过嘅部份参赛者之外，亦包括钟凯莹 Charis，身为一对子女妈妈嘅佢，系电台主持嘅 何基佑 太太。

呢对结婚已13年育有一对子女嘅教友夫妇，担任电台工作之余亦不时为教会服务，不过幸福生活嘅背后，Charis就有一个并不愉快嘅童年生活。父母皆为聋人嘅Charis，小学时因父母离异，同细佬曾入住儿童之家逾10年，亦因缺少家人关爱，少年时期更曾行差踏错。

Charis于过往专访提起认识 何基佑 拍拖之后慢慢改变，性格变得正向乐观，与父母关系亦大为改善，除咗担任主持工作外，亦不时向社会各界推广手语。

过往Charis不时参与福音歌曲演唱，今次参赛何基佑就为太太重拾歌手理想感到非常兴奋，仲一早出Post呼吁大家收睇太太初登场，而外号「车仔」嘅Charis亦都指对自己喺节目中首次登场非常紧张咁话。