黑色月光｜林夏薇黑化奸角引讨论 Post相宣传自我珠宝少露性感

台庆剧《黑色月光》下周就会喺翡翠台播出，新剧中 杨茜尧 同 林夏薇 两大视后斗法。剧集于内地率先推出，网上热播之下讨论度极高，而饰演反派嘅薇薇更热度不断，佢嘅角色仲慢慢由人畜无害、忍辱负重到逐渐黑化，演技层次丰富。

除咗薇薇嘅演技之外，剧中佢嘅造型同穿搭亦引起讨论同追捧，有唔少网民大赞。而薇薇亦喺社交平台藉呢次机会，Post出自己品牌钻饰嘅生招牌相片宣传新系列，仲话：「自己品牌自己上阵。」，又见佢同剧中针锋相对嘅拍档晒出合照。

而薇薇仲留言自己对演戏同钻石一样沉迷，仲认为两者有唔少共通点：「钻石透过唔同形状、唔同元素和谐结合，先散发出独一无二嘅气质。而一出精彩嘅剧集，一样有唔同特质嘅演员、优秀剧本同团队巧妙连接，先会成为出色作品，而当中最最最重要，仲系要触动人心。」