电影泉攻略丨凌文龙为角色坐轮椅出街实习 林明祯爆姆指脚系大长今?丨EP126

王镇泉Jeoffrey每星期为观众提供最热辣电影资讯，中外猛片专访花絮上映时间全部集齐，「电影泉攻略」个个星期陪你睇新戏。

凌文龙同林明祯主演嘅电影《把幸福拉近一点》，故事改编自真人真事，讲述一名甘迺迪氏症患者与来自马来西亚嘅兼职看护，二人之间嘅一段真挚情感。

凌文龙今次饰演金融才俊，有日跌倒先知自己患罕有遗传疾病，全程要坐轮椅演出，佢用一星期时间坐轮椅外出，实习喺街上遇到咩嘢情况，而林明祯喺戏中要为凌文龙按摩，佢话入行前经营美容院，上过按摩课并拿取执照，话终姆指脚系大肠经，点知用广东话讲咗「大长今」。

本周新片速递有《把幸福拉近一点》被母亲抛弃嘅跳脱少女小菲，遇上身患罕有病症嘅年青才俊子威并且结下缘份，为对方寻回失落嘅情人羡文，竟然发现子威久候治疗疾病嘅新药无效。但系生命影响生命，虽然受到沉重打击，重聚嘅三人决定将爱与希望延续下去！

《毒魔：终极一舞》讲艾迪与毒魔继续并肩作战，横跨墨西哥同纽约，要面对来自异次元嘅邪恶势力，又要抉择彼此命运，当宇宙嘅黑暗深渊逐渐开启，呢对拍档被迫作出一个艰难嘅决定，佢哋喺生死关头能否揾到共存之道？

《奇迹男孩外传：白鸟小屋》讲因欺凌「奇迹男孩」奥吉而被退学嘅朱里安得知外婆后生都遇过一名「奇迹男孩」，二战期间，仲系中学生嘅莎拉认识经常受欺凌嘅残障男同学祖利安，有日纳粹军去学校追捕身为犹太人嘅莎拉，幸得祖利安伸出援手，不但协助佢逃跑，仲带佢去屋企小木屋避难。

呢个星期嘅票房战况，直至10月23号中午，第三位《武替道》、第二位《完美物质》、第一位《危机航线》。