龙婷孖支喾仪陈燕娜船上表演 回想与黄日华合唱即秒变小粉丝

中声女唱将龙婷、支喾仪及陈燕娜（Paula）呢日喺船上表演，同歌迷们见面兼唱怀旧歌曲，玩得非常尽兴，Paula首次同两位师姐喺船上登台，心情既期待又紧张。

支喾仪问Paula系咪换咗新发型，Paula解释自己戴咗假发，笑指自己新造型暂时唔可以曝光，Paula之前喺《中年好声音2红白大战》已同支喾仪合作唱跳《Cha Cha Cha》。

龙婷早前去天津为明星足球队献唱助兴，更与黄日华合唱《铁血丹心》，龙婷回想呢个难忘体验即秒变小粉丝，感觉好梦幻；龙婷笑指今次参加明星足球队比赛作为啦啦队歌手，发现一首歌系跑唔到一个球场，下次要跑细圈啲。