自驾德岛丨黎诺懿爆郭珮文食肥膏提神 郭珮文叹隐世温泉急分享火辣泳衣

黎诺懿率领郭珮文（Juliana）同陈懿德主持全新旅游节目《自驾德岛》，将于11月2号同9号晚喺翡翠台播出。三位主持现身为节目宣传，佢哋除咗喺节目上山下海，Juliana同德德仲会比坚尼上阵，攀山涉水玩激流兼浸温泉。

德德话一直听闻诺懿好识得照顾人，今次合作完全体验到对方对新人同女仔嘅好。节目未播出街，德德经已急不及待喺社交平台分享火辣泳衣相，仲叫大家要留意佢同Juliana一齐浸隐世温泉，原来诺懿完全唔知道两位拍挡浸温泉，因为当时两位靓女喺山下拍摄，而佢就上咗山上取景，所以错失咗大饱眼福良机，诺懿仲讲笑追问边个下命令唔畀佢知。

拍摄旅游节目又点会少得美食，诺懿大爆原来Juliana好擦得，仲好钟意食肥膏。德德就话其他人系饮咖啡提神，而Juliana就系食肥膏提神。