获忠粉举办七爷展览 胡定欣为大家独家直击

胡定欣 嘅粉丝趁台庆剧《巾帼枭雄之悬崖》大结局前，就自发举行七爷展览，呢日定欣仲做埋限定主持，为我哋独家直击成个展览，呢个展览将会展出剧中七爷好靓嘅画像，呢啲相片都系由粉丝精心投票挑选出嚟嘅，等大家可以回顾一下七爷好靓嘅造型。

定欣仲话完成呢个展览，都打算攞呢啲画像返屋企收藏呀，见到粉丝咁用心去搞呢个展览，定欣都话好感动，除咗一啲好靓嘅相之外，粉丝更发挥佢哋嘅美术天份，制作咗各式各样嘅应援物，好似有锁匙扣、扣针，明信片，银行信用卡、七爷纸巾、仲有七爷嘅帽子，定欣话粉丝每次出席宣传活动，亦都会戴上呢顶帽打气，真系好有心思啊。

而剧集即将大结局，定欣都话有啲唔舍得，加上呢段追剧日子，粉丝都会捕捉每场最难忘嘅画面，喺社交平台分享，见到粉丝对呢个剧咁投入，定欣都觉得系好大嘅支持。至于会唔会再拍续集？定欣就搞笑话好攰架﹗