吴尊汶莱别墅Home Tour 超豪华设计令网民极羡慕

吴尊近年虽然因为事业而搬咗去上海定居，但佢间中都会同家人返家乡汶莱短住，最近佢就接受媒体嘅专访，去到汶莱家访由吴尊自己亲自设计嘅别墅，入面嘅巨型泳池、两层楼高滑水梯、篮球场、同专门摆放吴尊收藏品嘅All Star Gallery都相当吸晴，睇到网民超级羡慕！

吴尊设计嘅呢间别墅处处都透露住细节，单系大门就融入「LOVE」嘅元素，吴尊指因为自己嘅生活系由「爱」日水字出发，所以佢嘅家亦系由「爱」出发。除咗大门外，玄关墙身位置亦有以佢同太太二人指纹组成嘅心形艺术品，而正中央就放有代表 信念、热情、友情及亲情嘅摆设。

整间别墅以泳池为中心点，吴尊表示自己设计时希望呢个家会成为一间度假屋，所以先会将泳池摆喺中心，希望喺屋企唔同嘅角落都可以睇到泳池，另外吴尊又指「水屋村」系汶莱嘅特色建筑，佢话细个去朋友屋企时，都会一齐跳落河度玩，而别墅嘅设计就勾起佢呢段童年回忆喇。泳池边有以珍珠白嘅mosacis砌成滑梯，泳池底更砌上「Life is beautiful」嘅字句，提醒大家好好享受生活。

素有宠女狂魔之称嘅吴尊，喺设计大女Nei Nei嘅房间时都花咗唔少心思，佢指当中参考咗电影《罗密欧与茱丽叶》嘅浪漫情节，幻想有个男生喺窗台下弹结他同Nei Nei倾偈嘅浪费感觉。

去到吴尊嘅「All Star Gallery」区域，佢笑指有啲似自己嘅私人博物馆，当中收集咗球星Michael Jordan嘅球衣、球鞋、冠军戒指、签名相等，而另一边则收藏咗吴尊入行以嚟影过嘅杂志封面。吴尊话以前冇谂过自己会拍电影开演唱会，就系因为呢啲佢崇拜嘅人，令佢唔怕失败同挑战，所以呢个Gallery亦系一个激励佢嘅空间。

当吴尊带大家参观佢喺二楼嘅书房时，就晒出佢喺疫情时所画嘅设计图，当中包括佢喺2008年11月时为呢间别墅绘画嘅设计手稿，同埋篮球场旁嘅涂鸦墙手稿。吴尊重点介绍嘅就系佢哋嘅家庭客厅，佢表示一家人睡前都会喺呢个客厅聚一聚，墙上就放有大女Nei Nei同细仔Max画嚟送畀佢同太太嘅画作、一家人嘅旅行照等等，幸福感满载嘅角落。