关嘉敏玩出卖系列恶搞谭辉智 本尊亲回：贱格偷影我换衫

TVB《万千星辉贺台庆》圆满落幕，但余温不断，唔少艺人将当晚华丽打扮及演出上载社交平台，当晚谭辉智同关嘉敏（Carman）首度合体演出歌舞，两人仲以孖公仔造型现身，连本尊辉智话Carman比自己更似自己，直头入咗血。

Carman见观众反应咁热烈，于是就追加一个恶搞，喺IG先出文字Po话出卖系列，十分钟后Delete，谭辉智著咗我件台庆晚装，决定同大家开心share，之后就见到貌似辉智嘅佢著上晚装长裙，睇落真系分唔清相中人系Carman定辉智，只系睇样真假难辨，要睇身材先有明确答案。Carman仲Tag埋辉智话感觉好Fresh，引来辉智亲自回复：「贱格，偷影我换衫。」

好多网民睇完留言话分唔清佢哋边个打边个，以为佢哋系失散多年兄妹重逢，真系以为系辉智著咗晚装，似到一个点令人好乱，亦有人赞Carman几好身材。