独家・多图丨林建名儿子林孝信低调荣升人父 混血女友PO百日宴照揭密

曾经同吴千语传绯闻、已故商人林建名儿子林孝信（Howard），原来已经荣升人父！佢嘅混血女友Nevaeh 于8月12号为其诞下 B仔 Sol。呢对新手父母于18号为Sol举行百日宴，当日林建岳嘅爱女林颢伊（前名林爱儿）同儿子林孝能等亲友都有出席。

林孝信系百亿富豪林百欣嘅孙仔，其父林建名与叔叔林建岳因为跨足娱乐事业而备受关注，同爸爸林建名唔同嘅系，林孝信嘅感情生活相当低调，平日都系post同兄弟饭聚嘅相多；而其中、英混血女友Nevaeh亦对恋情相当保护，甚少上载与Howard嘅合照，直到其怀孕后，方post出与对方一齐影嘅孕妇写真，Nevaeh除咗喺帖文中曾表示：「执子之手，与子偕老。我们的故事才刚开始🤍」外，Sol出生后佢亦上载抱住BB与Howard于医院影嘅合照，并写道：「​​A boy stole my heart from the first moment we met. I call him son.👼🏻2024.08.12 母凭子贵🧑‍🧑‍🧒」

日前Nevaeh亦post出Sol嘅近照，肉嘟嘟嘅Sol相当可爱，难怪一众长辈都对Sol爱不惜手争住抱，不过搞笑嘅系，Sol无论系由妈妈定长辈抱住影相时，都系眼仔碌碌四围望，但当爸爸Howard抱佢时，就被影到恰晒眼瞓，睇嚟爸爸嘅臂弯令到Sol BB好安心呀。