声梦组妈姐姐蜕变成索女 台庆大骚美腿吉吉大胆咁笑人

潘静文 自《声梦传奇》出道后，有幼童教育背景嘅佢瞬即获安排加入《Hands Up》主持，成为小朋友眼中嘅Sherman姐姐，形象亲和又有爱心。随后Sherman亦加入《J Music》担任主持，去年亦推出首支个人单曲《永远潘朵拉》，今年初就推出《伤鱼座》，由爱笑嘅少女变成多愁善感嘅初熟女人。

近日嘅台庆各位女星都争妍斗丽奇招尽出，而Sherman则选择另一方式现身，有172cm修长身形嘅佢，就决定大骚修长美腿，毫不吝啬大晒白皙肌肤，加上晚装嘅露背设计，就令平时少女感十足嘅Sherman焕发住性感魅力喇。

不过社交平台嘅留言当中，就见到多嘴仔 周吉佩 竟然笑Sherman系「国脚」，真系唔知佢真心定讲反话喇，而Sherman过去两首单曲都系苦情少女心事，往后唔知又会唔会考虑将形象同曲风都考虑好似今次台庆打扮咁变得更成熟诱人呢？