Startalk一气呵成版| 赵学而淡然面对更年期 自嘲心境似百五岁背歌词成最大障碍

赵学而 唔止唔介意一早被封「而婆」，佢对年龄呢样嘢更唔觉得系禁忌。即将开骚嘅佢以50+为主题，完全唔介意透露自己已到不惑之龄。早前佢作客 许文轩 主持嘅《StarTalk》分享自己咁豁达嘅原因，唔多唔少同当年主持妇女节目有关，一早接触更年期资讯嘅佢，提早为自己打「预防针」。佢更笑言娱乐圈中人比一般工作嘅人老得快三倍，自己心境应该有150岁。 

2016年开始不时开骚嘅赵学而钟意新鲜感，每次选用不同场地，挑战过红馆、伊馆同StarHall，学而更享受喺数百人嘅细场演出，可以同观众有眼神嘅交流，更近距离感受台下嘅反应。

讲起开骚准备，学而自认记性麻麻，加上乐迷钟意佢重新演绎其他歌手嘅歌，所以首要任务就系努力记歌词，另外佢自爆「发台瘟」老是常出现，相信熟识佢嘅歌迷都会习以为常。 呢次嘅演唱会揾来邓建明(Joey Tang)任音乐监制，佢都好期待歌曲加入摇滚元素会产生咩化学效果。 被问会否推出新歌或出碟，学而好老实话同当今年青人嘅音乐口味脱轨，因为尚未拿捏主攻边个族群，所以无计可思下都未有出歌计划。