异空感应｜鲁振顺驾车自炒血流披面 陈家乐情绪激动发挥演技

鲁振顺喺新剧《异空感应》第3集中，因为被儿子陈家乐Carlos揭发佢恶行，一怒之下驾车自炒搞到佢血流披面重伤，身为阿仔嘅家乐见到即刻倾尽全力拉鲁振顺出路边伤心欲绝，拍摄呢场戏当日鲁振顺都有解释返点解会遇上呢场严重车祸。

饰演警察嘅陈晓华Hera揸车载住家乐追上先及时发现车祸，喺剧中Hera好多打斗惊险场面，连车手都要兼顾埋，讲到佢嘅驾驶技术，做乘客嘅家乐就笑言想呕，更踢爆Hera系位好辣嘅女车手，叫大家小心。不过Hera就话自己系安全驾驶者，从未被影过快相。

喺呢幕车祸场面发生前，家乐同阮浩棕Nicholas因为鲁振顺涉官商勾结而被绑架，两人逃脱期间浩棕及时同家乐移形换影令对方脱险，最后浩棕喺山边被营救，拍摄呢幕戏时佢仲唔小心擦伤手。而Hera经过呢次搜救家乐同浩棕之后，就对两位认识加深改观，大家嘅距离拉近。