中年好声音3丨一对一PK赛战况激烈 五灯选手Dan James 森林即将登场

《中年好声音3》嚟紧嘅星期日将会播出三大赛区60强一对一PK战第二轮，上一round五灯嘅外籍选手Dan James将会出场，佢喺上一回合以广东歌《李香兰》出战技惊四座，不过今次PK战佢就保守出击，唱返英文歌《It’s My Life》。

Dan话今次唱英文歌系因为觉得自己唱英文歌比较有自信，不过佢就诚意十足练咗一段中文：「好好彩我可以喺《中年好声音》呢个舞台，揾到我嘅梦想。」

而再战中声嘅森林，今次再度以耍家嘅许冠杰金曲《加价热潮》出战，佢话自己对Sam嘅歌好熟悉，今次仲会加埋舞蹈。而为咗备战，森林连热爱嘅电单车都要暂时停一停，凡事以比赛行先。