独家丨潘静文粉丝聚会热裤上阵骚长腿 拍剧挑战喊戏坦言心理压力大

潘静文平时多以斯文文静造型示人，呢日同粉丝聚会，就著住条格纹小热裤大骚长腿，Sherman除咗同粉丝玩游戏，当然都有献唱自己首《伤鱼座》赠粉丝。Sherman话好耐冇同粉丝见面，所以特登搞咗个粉丝聚会同大家近距离互动，当中亦有粉丝好有心，送咗一个积木砌成嘅Sherman比偶像，氹得Sherman非常开心。

除咗唱歌，Sherman喺主持同拍剧方面亦有好多机会，日前佢就啱啱拍咗一部新剧，剧中仲要挑战喊戏，不过就唔系丧喊，而系要委屈落泪，难度都几高，Sherman自爆初时被导演话佢唔够投入，拍出嚟嘅效果唔收货，搞到Sherman好惊，好彩经过一轮揣摩，都终于拍出令人满意嘅效果。