张智霖恨做阿爷唔介意阿仔早婚 魔童乐于跟爸爸分享情窦初开少男感情事

张智霖（Chilam）同袁咏仪（靓靓）两公婆一齐出动揾真银，靓靓仲著到靓一靓，睇上去好有仙气，连Chilam忍唔住称赞老婆。Chilam话靓靓依家买衫好注重环保，一件卫衣一家三口轮流着，不过有时交换衫著会摆乌龙，好似有次Chilam北上工作，靓靓疑似执咗件女装卫衣畀Chilam，搞到佢好尴尬。

话咁快魔童今年已18岁，遗传父母良好基因嘅魔童高大又靓仔，有女埋身好正常，靓靓话好开心魔童有咩都会同父母分享，尤其好乐意同爸爸倾感情事，Chilam就搞笑话好鼓励阿仔快啲拍拖，最好下年就结婚生仔，等佢可以凑孙享天伦，呢位阿爸果然好开通。

讲到嚟紧嘅圣诞节，靓靓就预告佢哋一家三口已计划去日本滑雪，过一个白色圣诞，靓靓话今次日本行系魔童主动提出，事关佢下年开始就会同朋友一齐过圣诞，所以靓靓同Chilam要珍惜难得嘅亲子时光啦！