​​沈玉琳为养女儿永不言休 叶瑷菱爆爱子ØZI危险经历

台湾艺人张秀卿、叶瑷菱呢日作客由沈玉琳同利菁主持嘅综艺节目，啱啱过咗57岁生日嘅沈玉琳亦越来越注重健康，之前用2个月时间减去12公斤，而喺注重健康嘅同时，佢对生活嘅态度亦变得更豁达。

沈玉琳笑言自踏入50诊后就冇再特别计算年龄，要当自己越过越后生。佢又话因为囡囡细自己48岁，所以为帮囡囡赚日后嫁妆都要努力工作。沈玉琳又将歌手经常讲嘅名句：「只要有一个人愿意听我唱歌，我就会继续唱。」改成：「只要有一个人愿意听我们讲笑话，我们就继续主持下去。」 

四位入行多年都有唔同嘅人生体会，叶瑷菱就觉得，比起美貌，喺呢一行最重要嘅就系人缘，而且面皮要够厚，先可以长做落去。而对于歌手邱军日前疑似醉驾开车撞死的士司机其后不顾而去，叶瑷菱都劝大家要小心驾驶，佢仲大爆囝囝ØZI虽然少开车，但曾经试过2次开车时发生碰撞事件，相当惊险。