朱智勋医疗新剧带红秋英宇 亲自买外卖慰劳剧组超暖心

韩星 朱智勋 呢排频频有新作推出，佢主演嘅医疗新剧人气比《鱿鱼游戏2》更胜一筹，亦带旺同剧嘅秋英宇人气急升。男模出身嘅佢仲跃升为新一代韩国男神。
朱智勋相隔十年再演医生角色﹐喺新剧中演一位疯狂外科医生，带住秋英宇饰演嘅高才生徒弟，一齐施展仁心仁术。剧中两人有好多火花。近年朱智勋都同唔少前辈如河正宇等搭档，不过就甚少成为作品中嘅大哥大，所以佢都大呻大佬唔易做。

喺照顾拍档方面，佢亦花左好多心机，仲亲自照顾大家嘅一日三餐，部分戏份剧组移师乡村地方拍摄，虽然有餐车设备，但系食物种类有所限制。所以大约九点、十点朱智勋就会主动提议食咩，问大家要唔要一齐参与，其中一日朱智勋更亲自开车出外买部队锅俾大家，佢认为围炉用餐可以增进团队情谊，但就强调唔系必定要参加，怕后辈有压力。