江欣燕患甲状腺亢进症成功戒酒 亲解未能邀前男友张卫健做嘉宾原因

梅小惠同江欣燕呢日去薛家燕嘅电台节目宣传新节目《友乜唔讲得》，为咗呢个节目，呢对好闺密碌尽人情卡，揾唔少嘉宾上节目尽诉心中情。

江欣燕连前男友张卫健（Dicky）都唔放过，笑指跟对方倾咗1粒钟后，江欣燕就冇再说服Dicky，皆因孝顺仔Dicky担心影响年迈嘅母亲；而梅小惠就感恩每位嘉宾嘅真诚对话，大家交谈过程鸡啄唔断，譬如阿姐汪明荃提起肥姐沈殿霞、家燕姐讲自己感情事等有唔少感动位。

梅小惠接受访问时，被家燕姐追问点解节目得45分钟，但佢哋当日倾咗4粒钟，梅小惠话节目要剪辑，只能插一啲精髓出嚟。呢日江欣燕亲证患甲状腺亢进症，指自己不时感觉好兴奋、有时讲嘢好快，整个人停唔到落嚟，夜晚又瞓唔到，佢用咗一年几时间去调理身体，仲成功戒酒。