潘静文26岁生日获特别方式祝贺 林智乐神秘放黑图为老友庆祝

「声梦歌手」潘静文（Sherman）又大一岁喇！2月25号就系Sherman嘅26岁生日，一众歌迷纷纷为佢送上生日祝福，又分享多张Sherman捧蛋糕许愿嘅靓靓相。林智乐（Felix）同Sherman老友鬼鬼，呢次就反其道而行，啲Fans share靓照，佢就分享Sherman嘅「黑图」。

Felix喺社交平台限时动态出Post，先系祝寿星女生日快乐，然后就话：「本身想铺（Post）返上个月记错生日𠮶个Story，但系原来delete咗嘅Story系揾唔番。所以今年送上一张靓啲嘅合照。但系为咗惩罚自己，我决定收埋三张你嘅黑图系（喺）呢张相入边，欢迎大家cap图放大黎揾。」

虽然Felix就话自己放咗3张相，不过点睇都系得一张Sherman疑似素颜嘅独照，作为当事人嘅Sherman就回复：「感恩，我净系揾到两张。」

不过无论点都好，朋友之间就系「爱到深处自然黑」，正因为够老友，所以Felix先会用黑图为好友庆祝生日，唔知大家又够唔够眼力揾齐三张黑图呢？