吴忻熹心脏抽出1公升积水 积极抗癌自嘲大把「心水」

去年公开患癌后积极接受治疗嘅 吴忻熹 (前名 吴文忻），不时喺社交平台分享佢嘅抗癌之路，26号佢就上载咗一血包短片，原来佢因心脏有积水，所以要接受心疱刺穿术，将心脏外围嘅积水引流导出。

为咗化解大家嘅忧虑，吴忻熹喺帖文中以轻松鬼马嘅方式写道：「大家今晚跑马有冇心水？冇问我攞！我大把！有1 Litre! 😅😅🤣🤣」而喺hashtag中就写住 #抽咗1Litre心水、#点解个心可以积咁多水、#肺又积水 等字眼，唔少网民睇完都留言为佢加油，亦有网民解释积水问题，系乳癌患者常见会有转移到心包膜同肺嘅情况，同时亦祝福佢早日康复。