蔡一杰去年开刀切脑瘤逐步康复 出动贺修哥生日再做Gym积极锻炼

蔡一杰 去年突然缺席草蜢嘅美国巡回演唱会，当时成员 蔡一智 同 苏志威 指杰仔因病无奈缺席，而之后杰仔竟突然公开自己系因为脑瘤问题而需开刀施手术，令外界大为惊讶。

杰仔当时公开嘅相片可见，整个后脑一个巨大孤形缝合伤口，佢亦指好快就会再同大家公开见面。之后佢不时更新社交平台，圣诞、新年都有出Post送祝福，1月初又同修哥 胡枫 庆祝生日，当时间精神非常唔错，仲齐齐为修哥嘅平台拍片。

到2月初杰仔58岁生日，佢亦再次捧住蛋糕公开精神十足嘅近照，亦获唔少Fans送上祝贺。到近日杰仔再次更新社交平台，今次更系于健身室操脚，杰仔仲可以戴住口罩再拎手机边听音乐边自拍，体能状态非常唔错，相信好快就可以再踏舞台，继续同大家劲跳劲唱喇。