友乜唔讲得丨邓兆尊「后宫」按年付家用 3C女友兵团生活费好够用

邓兆尊一向出名艳福无边，「后宫」除咗Carmen同Cherry之外，仲有新欢陈妙慧（Nana），同时拥有3位女友一直系城中热话，由于3位女友各有居所，兆尊都要化身「时间管理大师」，抽时间伴「3C女友兵团」，兆尊与好友陈彦行喺近排播出𠮶集《友乜唔讲得》，讲起「3C女友兵团」每月家用畀几多，兆尊大爆系按年结去畀钱。

主持梅小惠问有冇六位数字，兆尊冇透露实际金额，只系一年畀一次家用，话最好系年结一次过畀，用完先再问佢拎，另一主持江欣燕好奇问系唔系真系用到一年，兆尊就话：「系用到嘅，要求太多，可以去劳工处，就唔好嚟揾我，系讲太挥霍𠮶种人。」

被问最贵嘅一房系畀几多钱，兆尊透露每位女友家用都一样，佢解释自己唔系真系咁多钱，只系畀基本开支，够用就得，好友陈彦行即追问「3C女友兵团」可唔可以买名牌包包，兆尊话偶然可以，笑指女友冇咁蠢用啲家用钱去买，言下之意就系捉兆尊去买啦，全场即忍唔住大笑！