吴文忻拍片公开病情进展 癌细胞转移积极多方同步治疗

去年公开自己乳癌复发嘅1998年港姐季军 吴文忻 ，一直积极接受治疗，又多次飞往泰国接受细胞治疗疗程，脱光嘅秀发亦该渐长出变成一头清爽短发，不过早前佢就突然公开自己心积水而需入院留医，但仍食字笑言自己「有心水」，态度非常正面积极。

曾指癌症系第三期嘅Nathaliie，星期六再公开病程进展，佢指癌细胞出现变异情况，转移往尾龙骨，上次入院已接受5次电疗，医学诊断上亦属于癌症第四期，但佢信念依旧强大积极，Nathaliie写道：

「变咗四仔潻！😞🫣😳😮‍💨冇错！因为细胞变异咗，转而(移)咗去尾龙骨，所以变咗四期！所以之前喺医(医)院都立刻在尾龙骨做了5次电疗！而左胸个肿瘤都大咗好多，大到也吓亲我自己，所以前两星期出院也开始每星期要去化疗，仲有，我呢两星期也同时寻求一啲另类嘅治疗，帮助治疗(疗)癌症，提升免疫力和减低化疗后辅(副)作用嘅方法去同步进行，估唔到效果相当好！下星期开live同大家讲吓！

唔紧要！四仔也可以好番的！不用怕！害怕便输了！