直播灵接触丨肥妈故事拯救炜烈一命 梁思浩成后辈学习榜样

梁思浩 主持嘅直播灵异节目《直播灵接触》第二季圆满结束，最后一集请嚟 肥妈Maria Cordero 担任嘉宾，同大家分享灵异经历之外，亦讲咗一个以生命影响生命嘅故事，拯救咗甘草演员炜烈一命。

《直播灵接触》节目重温

思浩话炜烈丧妻后变成行尸走肉，完全无灵魂同唔返工，思浩就借肥妈一直觉得老公虽然离开，但仍然感觉到喺身边嘅事例，嚟令炜烈明白逝者都唔想在世者为自己太伤心，肥妈闻言后都话唔知道自己嘅故事勉励咗炜烈。

节目创下82台历年最高收视，肥妈笑言自己有份做评审嘅《中年好声音》都系收视保证，佢哋笑言系「收视两母子」。至于会否有第三季，思浩冇正面回答，但系肥妈就话有，佢仲话自己嘅预感好准。

黄紫恩、黄耀英、汤之欣同黄滢仴喺思浩身上获益良多，滢仴指喺对方身上学到待人处事，之欣就话自己中文进步唔少，而耀英就话学到大方，因为思浩成日请大家食饭。思浩就解释有福气请大家食饭，咁自己先会食到四方饭呀。