姚焯菲 钟柔美初披嫁衣拍MV 期待未来挑战新曲风出合唱歌

Chantel姚焯菲、Yumi钟柔美日前披上嫁衣，为佢哋合作嘅翻唱歌曲《女神》拍摄MV。初次著上婚纱，两位少女都感觉好新鲜，亦非常紧张拍摄效果，所以每次一停机就会去睇下拍得靓唔靓。

Yumi仲话呢次著婚纱系好特别嘅体验，而Chantel就话呢次佢哋会以婚纱Look拍MV，系想展现女性自身嘅美，大家都系自己嘅女神。

Chantel、Yumi虽然由《声梦传奇》比赛已经相识，不过讲到合唱呢次都系第一次。经过呢次合唱后，佢地都想再出合唱歌，Chantel提议一齐尝试唱Rap，Yumi都觉得呢个主意可以一试，期待未来真系可以同Chantel一齐挑战新曲风。