电影市道低迷戏院相继结业 黄修平率团队最后一夜谢票

香港电影市道进入冰河时期，多间戏院相继结业，其中营运咗16年嘅嘉禾黄埔，因为租约期满，将于本月10号起结束营业。而喺旺角嘅新宝戏院，亦于上月嘅31号结业。黄修平导演捉紧戏院结业前夕，带领新戏嘅演员游学修、吴祉昊等喺旺角戏院举行谢票场。

面对䇄立豉油街41年嘅地标消失，黄导都有无限嘅感慨，因为自己喺呢间戏院睇过无数电影，而特别之处系呢间戏院系地舖，唔需要行入商场。见到一间咁有特式嘅戏院结业，佢都觉得系不无可惜。

黄导觉得冰河时期唔只系电影业，而系各行各业，所以只可以做好自己。阿修喺呢间戏院都有唔少回忆，佢自爆带过女仔嚟睇戏。另外，佢又觉得有好多嘢都有结束嘅时候，但每样嘢结束就有另一样嘢开始。新戏票房令人安慰，上映近个半月，票房经已破千万，兼且收获好评，令团队非常鼓舞，不过黄导话反而紧张作品能够令到几多观众去讨论同关注。