生田斗真向李小龙借镜 广告中大耍快速拳脚功夫

日本影星 生田斗 真以一身唐装现身录影厂，喺全新嘅广告中大耍中国功夫，现场嘅布景同拍摄出嚟嘅感觉，畀人一种以往嘅港产片嘅味道，生田斗真拍摄前仲参考唔少李小龙同成龙嘅功夫片。

今次嘅拍摄过程，生田斗真话勾起拍动作电影嘅回忆，佢话拍动作戏时，同对手仲有工作人员嘅合拍性好重要，而今次拍摄就重拾呢种感觉，成个场景更令人有走入功夫世界感觉。以往较多系做出较大打斗动作或者系跳跃，而今次系着重紧密嘅拳脚动作，要有速度感。

现年40岁嘅生田斗真，仍然保持童颜，秘诀系勤做运动，而佢推介畀大家嘅动作系深蹲，佢话当然想练到强劲嘅胸肌同手臂，但深蹲可以较全面同加强下用身肌肉。佢话若果有段时间冇做运动，就会好唔惯，好挂住做运动流汗感觉。