有「香港摇滚教父」之称嘅 夏韶声 ，呢日带埋结他现身音乐节目《J Music》，亦系佢首次作客呢个节目，成个过程玩得好开心。
相隔多年再次踏足电视城，Danny Summer见返一众幕后同事好开心，甚至门口嘅保安同事都好有亲切感，笑言唔想离开TVB。回顾昔日早于1975年就加入呢个大家庭拍剧，直至2000年先离开，但之后Danny Summer都有断续回巢，包括上节目讲UFO，但近几年真系较少入电视城。
Danny Summer多年嚟演活唔少经典角色，佢坦言现时仍然有戏瘾，之前都有接拍电影，如果遇到好角色佢都会回巢拍剧，更笑指唔好做阿爸同阿叔，做阿哥都仲可以。
Danny Summer稍后第4次踏足红馆，亦系佢最后一次嘅红馆个唱，做足准备功夫，仲同大家分享自己开骚前最重要靠游水练气同记歌词。
