结合《新秀歌唱大赛》、《超级巨声》及《声梦传奇》嘅全新歌唱大赛《声秀》，经过逾两个月特训后，25位平均年龄21岁唔够嘅潜力新星听晚将于预热节目《声秀 序曲》首次登场同观众见面。
赵一霖（阿霖）、司徒泆 Haru、陈芷晴 Isabelle、温俊祥Johnson、张欣翘 Luna、陆卓谦 Jeffrey、冼奕瑜 Jasmine、徐惠晴 Vanessa、布子殷（布子）、胡港丰 Andrew、乔美莎 Chelsea、周智敏 Emily、陈卓怡Hoonry、文雅姿 Xylia、林洁心 Bibi、陈芮萮（阿宝）、甄敏芳 Jenny、柯雨霏Ophelia、胡子贝 Matt、张津铭（金鸣）、邓伟谦 Theodre、林锦兴（小林）、冯熙燮 Ryan、萧凯恩 Michelle、颖乔 Ziva
《声秀 序曲》星期日晚 20:00 翡翠台隆重登场
主要以广东歌作赛主嘅《声秀》，虽然下星期先全面展开，不过听晚播出嘅《声秀 序曲》就会由7大导师 苏永康 谭耀文 刘浩龙 吴浩康 泳儿 钟舒漫 同 胡鸿钧 七大导师；道出佢哋当年参赛趣事，亦会分享加入乐坛后嘅高低起跌、以及挑选学员嘅准则。
1988年参加《新秀歌唱大赛》获金奖嘅谭耀文，虽然投身演员行列后多年未有唱歌，但亦坦言从未放下对歌唱热爱：「我好钟意音乐，对唱歌仲好有热诚，希望不断可以再进步。」佢又更笑言希望可以做到「传承」：「我会希望我以往嘅舞台经验同演戏经验，可以帮助到学员歌曲传达讯息嘅技巧。」
泳儿亦坦言得奖后并非一帆风顺：「大家唔好以为我攞到咗名次就系顺风顺水，𠮶个只系一个开始，点解？因为将来嘅路都会充满住好多挑战，但正正因为有好多呢啲难关，令到我好勇于挑战自己。」
至于1997年喺《全球华人新秀歌唱大赛》成为金奖得主嘅 刘浩龙，就搞笑自揭「师兄」名字由来：「赢咗新秀之后，我喺TVB做咗几年主持，甚至冇做娱乐圈嘅工作、出咗去卖表，好辛苦好辛苦。到2004年可以做到歌手，第一只派台歌就系 黄伟文 写畀我嘅《师兄》 。」
而讲到挑选学员嘅准则，最霸气嘅就非吴浩康莫属，近年成为负责养家好男人、转行做职安真汉子嘅佢好男人形象深入民心。原来阿Deep除咗唱得之外，更已任歌唱老师9年，导师资历毋庸置疑，阿Deep仲声称自己「咩声都Tune到」： 「我觉得态度好紧要，因为唱歌唔系话你点一点我、我就明白同开咗窍。当然声底好会有优势，但我系无论咩声都tune到，唱功我亦可以再教佢。」
《声秀 序曲》亦将详细介绍《新秀》、《巨声》同《声梦》，几个经典歌唱比赛嘅演变同特色；为令观众更全面掌握以上几个歌唱比赛嘅历史，制作组亦邀请BIG FOUR、吴雨、陈洁灵、赵增熹、陈奂仁、森美、郭伟亮同舒文等乐坛代表人物访问分享。
节目中仲有唔少珍贵嘅红星昔日比赛片段出土，好似黎明献唱《绝对空虚》 、《中年好声音》主持 车婉婉 于跑步机上献唱《一起走过的日子》 、许廷铿同吴业坤当年嘅搞笑木独样，亦有陈奕迅同杨千嬅参选新秀时于现场玩游戏片段，当年嘅Eason青涩程度更让人一见难忘。
《声秀 》7月27号起 逢星期日晚 20:00 翡翠台