与反町隆史夫妻档再拍广告 松嶋菜菜子大赞老公魅力不减

日本明星夫妻档 反町隆史 同 松嶋菜菜子 喺2023年首次合体为一个护肤品牌拍广告,当年惹嚟极大回响。相隔两年两人再次合作新广告,令唔少粉丝既惊喜又期待。广告中菜菜子仲亲自揸机,捕捉老公型英帅嘅镜头,见惯大场面嘅反町竟然话有啲紧张,因为佢话平时好少呢种机会,但佢话好开心太太拍出佢自然真实嘅一面。


反町同菜菜子结婚已24年,婚后一直恩爱如昔,而喺菜菜子眼中,老公仍然系咁有魅力同吸引力,佢话反町好识得放松自己享受工作,而佢所累积嘅经验,亦成就咗佢而家嘅自信同魅力,佢仲话老公平时亦都好勤力护肤添。