夏韶声Danny Summer 嘅红馆演唱会举行在即,连日跟佢嘅团队落力排练,呢次Danny邀请师父竹田和夫及乐队Super Band同台演出。![]()
Danny与师父十几年冇见,二人聚头就一见如故,佢哋除咗讲音乐之外,Danny仲准备咗香港地道美食嘅鸡尾包同蛋挞,慰劳师父同一班团队。Danny同师父多年嚟只讲音乐,话师父只系大佢半年,大家生肖属龙倾得埋,二人上次Jam歌已系2009年𠮶阵。![]()
Danny过度练结他,令手腕受伤,加上腰患复发,Danny话会全力以赴,将最好嘅演出带畀乐迷,Danny仲话往事唔会乱讲嘢,但系今次邀请彭健新做嘉宾就有啲唔同,Danny爆彭健新事前想倾吓到时讲啲咩,但佢觉得要临场发挥。
Danny指今次专登揾彭健新,系因为彭健新喺木人巷年代出嚟,有啲歌唔系人人弹得好,但彭健新真系弹到呢啲歌,所以Danny一早mark住彭健新。