洪永城、刘颖旋日前现身机场，出埠拍摄台庆月播出嘅新节目。呢次二人将会出走20日，足迹遍布韩国、法国、比利时、荷兰，搜罗最好嘅物件带返香港，送俾喺香港最爱嘅人。Tony就话自己要将礼物送俾老婆，Tiff就话要送俾父母，两位都已经做好攻略，务求要将「最靓」送到爱人手上。
Tony更列出连串清单，话要买韩牛、花、朱古力，亦唔担心寄送问题，因为节目就系要令大家知道香港空运同香港机场嘅强劲能力，可以令大家轻松就收到靓嘢。
呢次拍摄行程丰富紧凑，Tony更预告朱敏瀚会喺中途加入两站，Tony仲话大家到时睇唔到Tiff唔紧要，因为有朱仔，朱仔最钟意就系除衫骚肌，大家可以大饱眼福。
