《2025年度香港小姐竞选》总决赛倒数两日，为咗呈现佳丽优雅华丽嘅一面，大会再度邀请国际知名婚纱设计师Viola Chan为佳丽设计晚装。上届四位港姐冠军倪乐琳、亚军梁嘉莹、季军杨梓瑶同友谊小姐王汛文率先现身试衫，话咁快过咗一年，Viola大赞四位比起上年靓咗好多。
倪乐琳话过去一年过得好快，卸任之后应该少咗机会同其他佳丽一齐出席活动，所以有少少唔舍得。梁嘉莹、杨梓瑶同王汛文就分别畀师妹一啲温馨提示。
对于今年嘅晚装，几位佳丽大赞好靓好有公主feel，试完之后直情唔舍得除低。为咗着晚装呈现最靓一面，大家都要keep住最好嘅体态，饮食方面要特别小心。另外大家亦做足准备练习谈吐同行catwalk，当然灿烂笑容都系必不可少啦！
