陈家乐爱女陈星颐（Camila）踏入1岁，家乐每次讲起女儿Camila都特别冧，日前佢同阿女及连诗雅（Shiga）现身其所属公司举办嘅艺人及同事生日会，而七、八、九月生日之星有欧阳震华、周家怡等，而出席贺寿星嘅艺人包括邓小巧、杨天宇（Angus）、海儿（Hedy）及洪助升（Aiden）等。
当中全场最抢Fo就系家乐爱女Camila，呢位「七月BB」第一次参加呢个生日聚会，眼仔碌碌四围望，对住闪闪气球显得超好奇，可爱程度秒杀全场。她不单止成为众人焦点，连杨受成都忍唔住走过去撩佢玩，仲立刻封咗大利是畀Camila，寓意福气满满！Camila即时「回礼」锡咗杨受成一啖。
同样系寿星嘅欧阳震华及家怡继续发挥搞笑本色，同大家打成一片玩selfie，至于欧阳震华生日愿望就系希望世界和平，人人身体健康，日日开开心心，而家怡同样希望世望世界和平，「经济好啲，人人有工开，身心健康」。
