有「地狱厨神」之称嘅Godon Ramsay平时除咗凶狠闹人出晒名之外，私下佢仲系一名户外运动发烧友，一有时间就会出门踩单车保持佢不俗嘅身形，最近更参加三项体人赛，认真宝刀未老。
但去年7月佢就遇上几乎攞佢仲嘅交通意外，年近60嘅佢当时事后仲公开于社交平台展示伤势，整个侧腹大片瘀伤，非常吓人。事隔一年，佢突然于网上公开自己左耳下方嘅伤口照片，仲指自己原来患有皮肤恶性肿瘤「基底细胞癌」，已完成切除手术。
虽然帖文简短又幽默指自己并非换脸整容，不过基底细胞癌其实有70到90%生长于脸部或容易被阳光照射嘅皮肤，如未能及时发现更可能会导致局部神经遭破坏，更有数据指美国白人中有35%男性同25％女性曾患有呢个疾病。
Gordon嘅伤口就可见由颈侧延伸至外耳，足足3、4吋长。佢仲语重心长劝告大家一定要做好防晒咁话。
