历经同前公司多年缠讼嘅 江若琳 相隔足足8年之后早前终于再次以歌手身份举行音乐会，大批圈中朋友好似谷祖琳 周慧敏 方力申 唐诗咏 余慕莲 现身捧场，一众歌迷更非常热情应援。
Elaine早早操练十多分钟唱跳串烧，更见佢露腰大骚马甲线，事后佢更形容自己呢段演出系一次壮举，仲指自己一早就已向自己许下承诺要跳到最好，虽然当中有少少甩漏，不过总算合格完成咁话。
呢晚演出Elaine邀请RubberBand嘅6号担任嘉宾，两人又合唱改编后嘅Crossover名作。而呢日佢亦即场向低潮时非常支持自己嘅朋友感谢，仲即场向当时伸出援手嘅阿Bob提议投资下次演唱会，仲有非常支持自己嘅前辈周慧敏，场面既搞笑又感动。
除咗旧年之外，Elaine亦即场献唱由 J.Arie 创作嘅新歌。佢事后访问时，仲话囝囝近日病倒，好在最后一刻由老公Oscar陪住现身捧妈咪场，Elaine见到最爱现身，更指几辛苦都值得，直情系无憾咁话呀。