黄又南爱车成性考入巴士公司做车长 未放弃演艺工作坦承曾当年冇工开

黄又南 近年潜心落力经营同汽车有关嘅网上频道，早前更密密考唔同种类车牌，最近更亲自投考巴士公司车长，呢日佢现身活动时，就指自己并非玩玩吓，合格后曾真正投入服务市民，驾驶整整一班时间接载乘客。

又南仲指当日唔少乘客都要求合照，令佢非常有使命感呀。早已考得公共小巴、巴士、货车等执照嘅佢，就指虽然周身刀，加上娱乐圈市道非常麻麻，曾半年冇工开嘅佢就仍然坚守，佢指仍有3部新作为尚未推出，其中一部仲系同新一代男神 许光汉 合作，更大赞监制 张艾嘉 嘅细致同专业呀。